adios la pampa und hola patagoniä

ohnis z merkä, simer plötzlech scho ir region patagoniä gsi :-).

hie gits ganz viu gränzkontroue wäge frücht, gmües usw. bishär heimer immer aus schön chönne übereschmugglä, hihi. mir hoffe, dases so blibt, woumers immer a sone doofi gränzä mitts im nirgendwo breiche, wemer gad für di nächste paar tag ä läbäsmittu grossichouf gmacht hei.

zurzit simer ir nöchi vo carmen de patagones amne wunderschönä strand.

mir hei somit üsäs erschtä mehrtagescamp am strand ufbout u di erschtä chrütermütschli im brumälettätopf bachä - hhmmmmmm fein: mit ächtär schwizer chruschtä :-).

am erschtä tag heimer üs e chli gfüelt wi tierli im zoo:

bim zuchäfahre heimer churzerhand der ferdy im sang versänkt u di iiheimischä hei dä "stupido turistico" müessä häufe, üses 3 tonnä gfährt wider use z'schiebe :-). dr padrone isch när subito id stadt gfahre u het äuä am ganze dörfli verzeut, das da zwe düreknauti imne outo wohne u z gfüeu hei, das sigi ires huus. naja, när si öppe 3 stung lang eis outo am angere düregfahre cho luege wimer husä, hei umdräit, gwunke u si wider gange :-).

ds gebiet eignet sech hervorragend zum spörtle (bikä, pilates, akrobatik, kajaklä usw.). zum fischä simer leider nonid cho, aber ds sabsi wett scho gli es säuber gfangnigs fischifischi ufm grill gse... si entdeckt gad iri gourmetsite u probiert zäme mitem elä us eifachä sache richtigi goumäschmöis z zoubärä.

üsi baschtläti campingduschi funktioniert übrigens hervorragend - ja mit sunnägwermtem wasser - u längt sogar fürne usgiebigi haarwöschätä fürs sabsi - herrläch!