canadien football mit ere hordä kandier

nach angerhaub wuche nationalpärk mit viu räge, näbu u zwüschine schnee, simer e chli früecher aus planet bim trixli und am wayne in cochrane iitrudlet :-).
dert heimer de o dr wayne lehre kenne: genau so e guldschatz wis trixli!
üses zimmer isch direkt näbem billard tisch gsi u zum balkon us heimer üs wäg de chaute temperature und em schnee nur auzu gärn im hot pot ufgwermt :-). sinis e chli vorcho, wi im paradies grins.
am erste abe heimer üsi gastgäber dörfe bechochä: mit lachslasagne are paprikabéchamel heimer üs probiert. hei e glattä abä gha.
am tag druf heinis trixli u wayne downtown zum japaner iiglade u mir hei fein gspise. ds trixli  vorem personau so ta, aus hätti ds sabsi geburtstag u de hei d chöch sech äxtra müe gä. u am schluss hei sabsi wi o elä e ziemlech pinleche plastikhuet ufgsetzt becho u zumne geburtstagsständli vom servicepersonal vor versammleter beiz müesse im takt mitschunkle. ohne worte.
am labor day isch när dr canadien football match gsi. e iserni fangmeind trifftsech geng vorem match ufem parkplatz. dert wird z fridä grilliert u brichtet. 10 minute vorem match ischs de ab gange wines zäpfli u mir si aui uf üsi plätz gspeedet u hei am spiu zuegluegt. dr elä u dr wayne hei fachgsimplet, während däm ds sabsi u ds trixli d glägeheit wahrgno hei, wider mau nach ewigs langer zit uf bärndütsch über angeri aawäsendi "faktä us z'tuuschä" (nenei, mir tüe nid lästere!)
es isch es super erläbnis gsi dä match mit auem drum u dra!

sabsi mitem japanischä choch :-)

trixli u sabsi am match :-)

canadien football


versterchig vorem match



wider mau ire ächtä chuchi am wärch...

herrä unger sich...