chliini u grossi bobooli
churz nachem machu picchu hets ds sabsi überau afa biisä: adä bei, armä, decoltée u rügge hets hässlächi eiterpustlä gä, wosech aui müe hei gä, enorm "sexy" us z'gse u 24h am tag juckä wi gstört. damer wit absits vomne arzt oder ähnlechem si gsi, hets no 3 tag totchratzä gheissä. chum in nazca aacho, simer de is centro medico gfahre. tönt guet, het aber ad versuechssteu vom doktär frankenstein erinneret. vo usse hets wine stoubigi garage usgseh, im "wartzimmer" isch einzig äs zerfätzt sofa gstange u vergiubti poster ar wang ghanget. d türe zum arztzimmer isch scho gar nümme zue gange u het im liechte wind gruselig gknarzt u a türrahme gschlagä. im arztzimmer isch de när z chaos pur gsi. das kener fänster i däm 8 quadratmeterruum het gä, hets ar dili es glasschibli gha, wo diräkt ungedrann dr väntilator ghanet. ds spärlächä liecht het drum gflackeret wi ir disco mit strobo. wes eim aso nid scho sturm isch, de spötischtens im arztzimmer. dr tisch isch mit bärgä vo medis, wo wiud überenang gschosse si gsi u grusige, stoubigä u unufgrumte vitrine (gfüllt mit aute ärztesache, wo no im iisatz si, heftli u ramsch) vougstopft gsi. zrugg im camp hei d medis di erstä würkigä zeigt us bissä het e chli ghört. d medis hei totau müed gmacht us sabsi hetsechs ar sunne bequem gmacht. dr elä isch sider ufs velo, um mitem bike es türli z machä ud gägend ds erkundä.... mir hei somit zum zwöite mau am gliche tag es taxi für is centro medico bsteut. ufem wäg dert häre, heimer vier männer mit jagdgwehr bewaffnet gse, wo dr hung si ga erschiesse - es isch du när klar gsi, werum ds buurli genau het wöue wüsse, welä hung, dases isch gsi... dr arzt het d wunde mit chloroform greiniget u irgendöppis gmurmlet, vo wäge dr elä heigi schwein gha, dases nid stiif sigi worä. usserdäm müesser innerhaub vore wuche d tollwuetimpfig mache. nach mehrmaligem frage, wieso är das nid gad chönni mache oder ds örtleche chrankähuus, heter du usägrückt, das in ganz peru nur ei stell tollwuetimpfigä het - in lima (8,2 millionä iiwohner). super, i di metropole hättemers innerhaub vore wuche nie gschafft u dr gedanke, mitem outo dür sone stadt mit mönschä wone üsserst säubstmordverdächtige fahrstil pflege, ds fahre, het d stimmig o nid ghebt. mir heis am nächste tag de doch no im örtleche spitau probiert. nachdäm mer üs si vorcho wi ire flüchtlinglagersteu, aui formular usgfüllt hei, simer de när is "impfzimmer" cho. d madame dert het nur gseit, dasi di impfig nid heige, unis eifach la sta. dr elä ischere nache u het gfragt, obsi nid wenigstens d wunde schnäu chönni reinige u aaluege, ob öppis nid guet sigi (infektion oder so). iri antwort: "no hay" u isch abgfahre. danke aber o. mittlerwile isch e chli meh aus e wuche düre, u es het glücklecherwiis weder e infekt, no tollwuet gä :-).
diagnosä: hässlächä urwaudparasit het ds sabsi iigno - 5 tag antibiotika mampfä u kortison cremälä.
ä viertu stung speter ischer de scho wider ume gsi u het gmeint: "nei sabsi, dasmau ischs nüt am velo, eher am elä". aha! das tönt gar nid guet!
dr elä isch vomnä rudu strassäköter verfougt worde, wonim när tatsächlech sones souviech is wadli bisse het. es buurli hetim mau e fläschä vodka übers wadli glärt - so quasi aus erst desinfektion :-). usserdäm heter ganz genau wöue wüsse, wele hung dases isch gsi. dr elä het di blödi frag nid ganz verstange, wou doch sis glöcherete wadli iz doch gad e chli wichtiger isch, aus "welä hung isches gnau gsi".
mucho suerte!