kanada - ungloublächi gastfründschaft

wo mir in kanada iigreist si, heimer e iiladig gha, bire fründin vo sabsis eutere dörfe ga z übernachte. mir hei das härzige käffli wasa in british columbia uf ahieb gfunde.
es isch ds feriähuus vom trixli u mir si vo vor bis hingä verwöhnt wordä: schwizer chääs, cervelats, säubergmachti züpfä, gueti luune u e lustigä usflug usw. es isch herrlech gsi. mir hei im huus dr ganz unger stock für üs dörfe beaspruchä, inkl. badwannä!!!!
nachbarskollege vom trixli si ufnes apéro übere cho u heinis spontan ufnes moose iigladä. mir hei nume gwüsst, das das wiud isch, aber was gnau?! irgendwie heimer gmeint, dases es moose isch, wi mirs kenne :-).
womer de am nächste tag übere si, simer (positiv) überrascht gsi: moose isch äs elch ähnlechs tier. di einti nachbarin hets erschosse :-) jaja, di kandadier spile mängisch o gärn wiudä westä im garte, hihi. dr chris hets mousse de ufem grill gmacht u d diana het biilage zouberet. es isch herrlech gsi u mir si überwältiget gsi, voder offeheit u gastfründschaft vodä kanadier - top!
bim trixli simer de gad füf tag blibe u heinis mit ragusa, brat- u röicherwurst u angere köstlechkeite, wosi üs zuegsteckt het, verabschidet. mir hei no es paar nationaupärk in kanada wöue mache, bevor dr herbst chunnt. si jedoch vom trixli u irem partner wayne (heimer in wasa leider nonid lehre kenne) für zwe wuche speter scho wider iiglade gsi für in cochrane (bi calgary) ds bsuech ds ga.

links dr meister vom moose grille, dr chris
mitti, ds trixli u dä rächts kenne mer ja scho :-)

moose ufm täuer ischs eifach ds beste moose :-)

dr grilleur hetsech o ds einte oder angere bierli bim grille chönne gönne...

schwizer mampä vom trixli fürä wildlife bsuech :-)

trixli, diana und sabsi are lustige wyberrundi

trixlis säubergmachti monster züpfä für üs, mhhhhh fein!