korrupti polizei

d polizei in mexico isch auso genauso korrupt, wimes geng ghört.

chum simer zwe stung i däm land gfahre, het üs scho der erscht schläppu usegno unes heidä schmiergäud verlangt. das heimer du när haut o zaut, woumer mitts ire grosse stadt si gsi u chli im schuss si gsi. süsch hätte mer nomau dert müesse übernachte u mit grossem bürokratischä ufwand am nächste tag ga buess zahle u füereruswiis zruggerobere.

womer du när üse bsuech, am elä sini schwoscht, uf cancun si ga hole, heisis ono mau es paar mau probiert, aber nüt vonis becho :-).

d rahel isch du när ones gfundnigs frässe gsi für di herrä polizei: jungi frou allei im outo. bi ire heisi amigs ganzi mexikanischi monetslöhn verlangt.

mittlerwile simer scho sehr güebt mit dene "fründä u häufer" u zahle nümme. isch mängisch schwiriger u mängisch liechter, us irne fäng ds cho.