la pampa und mission gas

d pampa isch es sumpfigs u wiiiiiiits gebiet - überau hets greser, weide u sumpflandschaftä, aber ke einzige hügu.

mir hei ganzi zwe tag gha, bismer ändli zu gas si cho womer zum choche bruche... e story für sich:

bi jedere gasfüllstation - egau ob are tanksteu oder bim gasliferant säuber, aui lüt si ungloublech hiufsbereit gsi, aber: wedä ke lääri fläschä zum iitusche hesch, de gits o ke voui. e pasta.

jedä het üs pländli zeichnet, womer eventuell no öppis chönnte finge u mir si chrüz u quer dürd käffer u is militärsperrgebiet gfahre, aber nüt isch gsi. mitts im nirvana am strasserand betribe zwe auti päpplä e gasfüllstation. di hei üs härzensguet mit verschidnige fläsche u adapterstück üsi "persönlächi" gasfläsche zämäbaschtlet. mit schlüch im wasser weichmache u viu gebaschtu heisis du när gschafft. mir si so dankbar gsi, dasmer ihne es schwizer sackmässer aus chlini erinnerig a di lustigi begägnig u für ihri hiufsbereitschaft gschänkt hei. si widerum heinis mit brot u säuber gwurschtätär salami ufä witer wäg gschickt.

mir erfahre hie usnahmslos extremi hiufsbereitschaft u o wenn di "pampaischtä" es u henne komischs spanisch rede; mit häng u füess geits geng irgendwiä :-).

ohnis z merke simer plötzli am gränzposchtä zum gebiet patagonia gstange. dert sisi extrem druff, dasmä wedär gmüäs, frücht oder fleisch übere nimmt u dürsueche eim dr ganz chare. mir si natüterli nichtsahnend dert id schlangä gfahre u: ferdy vou mit gmüäs, frücht u fleisch. zum glück heimer sones puff im chare gha, das der beamt nur chli inegluegt het u woner das herte stück arbeit het gse, wo mit usrume ufnä wär zuecho, heter üs düregwunke :-).