los antiguos odär wienachtä uf argentinisch
wienachtä hei mir in los antiguos, argentiniä ufm camping municipal verbracht. das isch äuä o dr heimläch wienachtsträffpunkt für di iiheimischä gsi.
au sisi us irne löcher cho uf dä campingplatz, hei iri rinder ufgspiesst u gröicherät (argeninischi spezialität).
für üs zwöi reisefüdlis ischs chli verwirrend gsi, dasi bi 15 grad u mit patagonischäm wind im t-shirt umegrennt si u derzue tropischi ländlermusig glost hei. jedi familiä natüli mitemnä no lütärä outoradio u uf jede fau kenä ufm gliiche kanau. tja, üsi ohri si ize sehr lärmerprobt.
d argentinier kennä o dä gwohnti "sicherheitsabstang", wo mir schwizer amigs hei nid: de chas scho mau passiere, dasme ds haubä zäut über das vom nachbar überebout - isch ja gad gäbig :-).
da das e chli chnörz si u si nid würkli offe für gsellschaft usserhaub vor fämäli si gsi, heimer das ganze mitsdrinn u glich ir beobachterrolle chönne mitverfougä.
mitemne guetä fläschli wy u öppis grilltäm heimer e glatte wienachtsabä gha. @buttoni: merci für dini adväntscherzä - si di einzigä, wo sones wunderding hei :-).