tandem d'un rève

uf dr suächi nachemne nöiä camp voräm nationaupark bosque petrificado, hets plötzli gwunkä am strassärand. einä het ganz värzwiflät sini wasserfläschä gschwungä.

mir hei aaghaute unim ä chli wassär wöuä gä. hinger ihm heimer no ä zwöite typ gse, dä isch näbämnä tandem am bodä ghocket.

äs si zwe franzosä gsi, wo mit irem "tandem d'un rève" wei umd wäut fahre. wasser u frücht düegä si sech am strassärand ärbättlä. si si gad ufämnä abschnitt gsi, wo absolut nüt los isch u o keni käffär chöme. mir heinä du när d wassärfläschä gfüllt u no zwöi brot mit ufä wäg gä.

si scho chli abgmagärät gsi di zwe, mir hoffä, dasi dr wäg i di nächschti grössäri stadt (öppe 300km wäg) gschafft hei.

https://letandemdunreve.com/