turbulänti aarreis nach ushuaia

ufm wäg nach ushuaia ischsis aso niiiiid eifach gmacht worde :-)

zersch heimer mau illegalerwiis e chnoblizäie und ä schläck honig nach chile gschmugglät. natüterli heinis di wärte herrä zöuner bir kontroue verwütscht. huihui, das hätt glatt 25'000 usd buess chönne gä.

zum glück sis jungi kulanti chilener gsi u hei dr elä päcklet u si mitim sis deklarierigsformular ga umgstalte :-). üses ässe heimer zwar nid chönne bhaute, aber mir si ohni buess u mitemne hübschä selfie vodä beamtä dervo cho!

bir fähre vor magelanstrass aacho, het das ding wäge heftige winde nid chönne aalege. was machsch? klar: warte bis grüen wirsch.

nach äs paar stung und einige rundine spiili spile, heimer du när e ächt nährhafti u wahnsinnig gueti mauzit im ferdycockpit zuebereitet. äs het dosätomatä u mais gä - dr räscht heinis ja di nätte chilenä abgno :-).

wo du de im haubdunku glich no sones fährdings het chönne aalege, simer de ono druf cho. wosinis när gseit heige, di fahrt chosti 15'000 dollar heimer mau läär gschlückt. hihi, hei doch totau vergässe, das in chile ä angeri währig giut.

chum heimer ds "fin del mundo" schild passiert, ischis ono quasi dr letzt moscht usgangä. hei no knappi 10liter im tank gha. di nächsti "zapfi" isch bimne eutere herr gsi, wo eigentli scho fyrabe hätt gha. fürnes u hue.... gäut heter üs de dr tank doch no gfüllt. hei äuä meh fürä liter zaut aus vergoldetä disu ir schwiz. tja, lehrplätzä bruchts ja o :-)