uspuff u stromsäubschtversorgigsprojektli
dr ferdy het mit sim chli lädierte uspuff u dene "wunderbare" strasse ir letschtä gad nid so glück gha. drum hetsim ono gad dr schaudämpfer möge töte. mir sägä öich, das outo het auso sehr imposant tönt *grins*. in chile isch das ke problem: ferdy zumnä chnusti bringe (natürli ohni termin wi ir schwiz), irgend e neue schalldämpfer ineschweisse u ä haub stung speter heissts "on the road again" - jupppiiieeee! so eifach chönnts si. mir hei de speter i di grossi stadt santiago müesse fahre, woumer gwüssi ersatzteili fürd bikes hei brucht sowie es solarpanel hei wöue poschtä. dä miter zwöitbaterie, wo dr chüelschrank betribt isch ja nätt, aber bi 35 grad im schatte, isch di batterie de o gli mau läär us heilige früästücksbütterli louft dervo. geit gar nid! so si mir super touris schön ir rush hour uf santiago inegfahre - ohni verkehr wär ja nur haub so viu action :-). dr einzig "wahr" verträter für mountainbiketeili heimer dank em navi schnäu gfunge u e lösig chönne veriibare. im internet heimer e onlineversand für solarelemänt gfunge. na toll, das züg bsteue u när tage speter wohärä la lifere? ke option für üs :-) mir heinis churzerhand dere firma iri adrässä gschnappet, si anes riisigs gebäude cho (so e art lagerhauekomplex)u heinis bim pförtner offiziell müesse aamäudä. när simer eifach bi dere "bodega numero 18" as garagetor ga chlopfä. ds panel heimer chönne installiere u ds erste chaute bierli ab solarstrom gniesse. miter chiste isch scho komplizierter worde. mir si i boumarkt: hie in chile funktioniert das e chli angers aus im hornbach, hihi. da fahrsch mitem outo diräkt i lade ine, ladisch uf was bruchsch u geisch ga zahle. när geisch das züg go la zueschnide u am schluss darfsch no bim securitas-mönsch verbi, wo anhand vo quittigä u schnidplän probiert z luege, ob nid doch e chli me is chäri gladä aus zaut hesch. es erläbnis! es isch es interessant gsi, aber iz heimer fürnes wiili wider gnue vo stedt u iichoufä. mir tubes morn übere pass (dr bärg isch fasch 7'000m höch u somit dr höchscht in südamerika, dr pass überquertme uf 4'000m) wider richtig argentinie. hasta luego :-)
tatsächlech het üs öpper ufta. mir hei dene zwe eutere herre erklärt, das mir es solarpanel bruche, um dermit üsi zwöitbaterie chönne z spise u dr chüelschrank betribe u anderi grät uflade. mit spanisch, händ u füess umne interkulturelle schautplan heimer üs chönne verständige. si heinis es "päckli" zämegsteut u ds nötigste zäme glötet (schiins servicio exceptionel), baschtlet u bereit gmacht. so heimer das züg no richtig müesse aaschliesse une gueti chiste finge, womer das 1,5m monsterpanel chöi transportiere. ir schwiz si das ganz eifachi sache, in chile e zwetagesufgab :-).