verkehrsreglä uf argentinisch
üsäs studium zudä argentinischä verkehrsreglä isch zwar no nid abgschlosse, wou nid mügläch, aber mir teilä üses bishärigä wüssä gärn zur ufheitärig mit euch: 1. wenn öppis angers machsch, ussert gradusfahre: tue verdammt nomau sofort der warnblinker ine! warnblinker bruuchts für aus: mersi sägä fürs düräla u jeglächi aktivitätä, ussert gradusfahre - auso o zum zeige: hey autä, i parkiere oder duä abbiägä irgändeinisch innerhaub vodä nächstä hundert meter - egau ob links oder rächts. 2. normalä blinker: dä bruchsch nur u usschliessläch i eim einzigä fau: wed eim wosch mitteilä: hey autä, äs chumt nüt entgägä - chasch auso überholä 3. värhautä im kreisu: generell het jedä kreisu angäri vortrittreglä - mängisch o mit zwöi schilder pro iifahrt, wo beidi öppis entgägägsetzts vorschribä. meistäns het dä vortritt, wo i kreisu inäwott - ganz egau, ober dermit der kreisu komplett verstopft. wedä usem kreisu wosch hesch i keim fau vortritt u muäsch zersch aui inela (frage nach dem sinn?!). 4. vortrittsreglä: völlig undefinierbar und sehr abhängig vom kaff und äm quartier, wodi gad befindisch - di iiheimischä schiinä emu ganz genau z wüssä, was si müesse machä. 5. polizeikontrouä: polizeikontrouä gits je nach region au 50 bis 100 km. nätt oder nid nätt? tja, mir hei scho aus gha: entwäder heisinis dr hung i chare zum schnüfflä gschickt oder de heimär aus "dank", dasi üs hei "dörfä" kontrolliere äs gschänktäschli (gfüllt mit: schlüssuahänger, musig cd vor region, flyer, desinfektionsmittu usw.) mit ufä wäg gä. pe äs: dr elä het sini verkehrskünscht scho guet aapasst u parkiert sit nöischtäm ä so wi ufäm foti :-)